Giza eskubideak eta genero-berdintasuna

 

Osasunerako eskubidea

 

Osasunaren Mundu Erakundearen Konstituzioaren arabera, ahalik eta osasun-maila handiena izatea gizaki ororen oinarrizko eskubide bat da.

Nolanahi ere, milioika pertsona daude munduan osasun-zerbitzuetara jo ezinik.

Osasunerako eskubidea ez da bakarrik osasuntsu egoteko eskubidea; horrez gain, esan nahi du Gobernuek baldintza egokiak sortu behar dituztela, pertsona guztiek ahalik eta modurik osasungarrienean bizitzeko aukera izan dezaten. Baldintza horiek ez dira mugatzen osasun-zerbitzuak eta osasun-arreta bermatuta izatera; osasuntsu egoteko oinarrizkoak diren alderdiak ere aintzat hartu behar dira, hala nola edateko ur ona eskura izatea, saneamendu egokia izatea eta elikagai osasungarri nahikoak hornitzea. Gainera, beharrezkoa da lan-baldintza osasungarri eta seguruak izatea, etxebizitza egokiak edukitzea, ingurumen garbia izatea, hezkuntzarako sarbidea izatea eta osasunarekin lotutako alderdiei buruzko informazioa eskura izatea.

Osasunerako eskubidea giza eskubideen nazioarteko itunetan jasota dago, bai eta mundu osoko herrialdeetako konstituzioetan ere. Osasunerako eskubideak, beste giza eskubide guztiek bezala, hiru betebehar mota ezartzen dizkie Estatuei:

  • Errespetatzea. Osasunerako eskubidearen gauzatzean ez esku hartzea esan nahi du («kalterik ez egitea»).
  • Babestea. Neurriak hartzea, hirugarrenek osasunerako eskubidean esku hartzea eragozteko.
  • Betetzea. Erabaki positiboak hartzea, osasunerako eskubidea benetan bete ahal izateko (adibidez, lege, politika edo aurrekontu-neurri egokiak hartuz).

 

Destacados
Acceso usuarios
E-mail:
Contraseña:
Page generation time: 0,2036043 seconds
Query time: 0,0781257 seconds
GC Memory: 19617 KB
Viewstate Size: 10 KB